كلمات قصيدة ياام العباس دخيلج حيدر السعد

 

يا ام العباس
حيدر السعد
الشاعر ياسر المطوري

يم العباس دخيلج دخيلج
يم العباس

يم البنين امروتچ ضاگت الدنيا بعيني
حاجات عندي معسره ومديت الج جفيني
انطيتي الحسين الكمر معقوله ماتنطيني
يالخيرج مغطيني

گالولي اقره الفاتحه ولم البنين أهديها
كل شده عندك لا تهم وام الكمر تكضيها
وانه اجيت بحاجتي ومن عندج متانيها
وانه اعرف تسهليها
لاخر انفاس دخيلج دخيلج
يم العباس

مكسور گلبي من الزمن يم البنين وجيتچ
أقسم عليج بكل عزه لحسين صار ابيتج
اقسم عليج بكل نحر مكطوع من ذريتج
مهضوم وتعنيتج

اقسم عليچ ب زينب الصعدت هزل من تالي
اقسم عليج بسكنه ورقيه بنات الغالي
اقسم عليج براس الحسين اعله رمحه العالي
يايمه نظري الحالي
بوضعي الحساس دخيلج دخيلج
يم العباس




يم الكفيل الهاشمي اليروينه بالحب جوده
فقره وعلى الفطره الج نفرش سفر ممدوده
المنها ياخذ يرزق الله برحمته يزوده
تخلص ايامه السوده



الما عنده ذرية بإذن ربنا ولد تنطينه
المشلول من يتوسلج تركض ترد رجلينه
جي عين عباس انطفت كل اعمى ترجع عينه
لو شال الج جفينه
بعين العباس دخيلج دخيلج
يم العباس



دگيت بيبان شكثر وتندمت بالتالي
ورجعت تارسني الخجل بس جفي منهم خالي
بس انتي يم الاربعه صحتي هلا بالغالي
وبيدج ترستي سلالي


بابچ ولا ينسد ابد والخير منچ دايم
مامره جيت العتبتج وارجعت منج نادم
وادللينه بالاخص لحسين كلمن خادم
من بين كل الوادم
خذلتني الناس دخيلج دخيلج
يم العباس


ممنون منچ واشكرچ يم البنين هوايه
انحلت الشده لمن بسمج عكدت الرايه
فرحان صحت ام الكمر ماقصرت ويايه
والزهره احلى حجايه


من فرحتي أنثر ورد وأنثر دموع عيوني
والناس يمي اجمعو من كل كتر حاطوني
كالو شنو السر يا اسم تتنخه بي سألوني
واسمج لمع بجفوني
ياتاج الراس دخيلج دخيلج
يم العباس

كتابة وتدوين قناة
تحسين السواد على التليجرام

نسالكم الفاتحة والدعاء
لروح المرحومة الشابة نرجس تحسين


https://t.me/tahseen_alswad