كلمات قصيدة تدري يابو السبطين حركو خيمنه المرحوم عبد الرضا الرادود النجفي مكتوبة

 

تدري يبو السبطين.     حرگو خيمنه
ساعة الطاح حسين عن كربلا چا وین
حرگو خیمنه

شترید شحچیلك یبویه آلام
للعایله ما ضلت اللیله اخیام
نگلك اطفال حسین صارت ایتام
نگلك لفتنه الخیل خیل الظلام
نگلك یبویه الیوم ذبحو زلمنه
ماتدری بینه الیوم بویه ولتنه الگوم
حرگو خیمنه

نگلك یبویه حسین منذبح عطشان
علی الرمح راسه وجسمه ظل عالتربان
والخیل لعبت فوگ صدره میدان
ماچان هذا الامل منك ماچان
کون بمثل هالیوم یابویه یمنه
ونحشمك چم نوب وینك یداحی البوب
حرگو خیمنه

کل واحد من اولادك بهذا الحال
مگطوع راسه وخذت درعه الانذال
والگوم ذبحت بالسهام الاطفال
شتگول هم ضلت بالخیام عیال
یابویه من هالناس محد رحمنه
مارحمو ب وجعان مارحمو برضعان
حرگو خیمنه

بویه من اگلك عن ابو فاضل وین
فوك النهر مگطوعه یمه الچفین
راسه انگطع والسهم نابت بالعین
ریتك تشوفه مثل ما شافه حسین
بویه عگب عباس احنه انهضمنه
من عدنه لمن راح عالنهر لمن طاح
حرگو خیمنه

نگلك یبویه شصار جسم الاکبر
ساعة اللی بالحومه طاح توذر
مخضب بدمه بالرمال معفر
مثل الابو لو شایفه یاحیدر
چا شارکتنه بجروح جسمه والمنه
من راح بویه هالشاب. من راح ابوه الینهاب
حرگو خیمنه

نگلك یبویه شلون حالة جسام
بثوب العرس یابویه عالغبره نام
ماحققت رمله بزفافه الاحلام
مادام عرسه للهواشم مادام
ماشفنه بیها افراح بویه انسگمنه
بدم رگبته حنوه  گوم الذی ذبحوه
حرگو خیمنه

نگلك یبویه بالرضیع الفطموه
بالنبله ماحنو علیه ورحموه
ومن بعد هالنبله یابویه ذبحوه
لیش الطفل عن راسه جسمه فصلوه
یاریت مثله بالموت بویه انفطمنه
الوادم الگطعت هالراس یابویه همه هالناس
حرگو خیمنه

نگلك مصایب یو جروح البینه
یابویه هذا اللیل صار علینه
موته زلمنه ومحد یحامینه
بهالیل گوم انهض یابویه لینه
بویه العدو شریر مایحترمنه
الوادم یابویه اشرار  هم الذی بالنار
حرگو خیمنه

الشاعر المرحوم: عبد الحسین ابو شبع
الرادود المرحوم: عبد الرضا النجفی
تمت الکتابه بفضل من الله وآل البیت علیهم السلام
یوم 11محرم1448
27حزیران2026
ابو منتظر السواد