عطشانه الاطفال بخيام الاحزان
ومنتظره الاعيال بخيام الاحزان
حر وضمه بهاي الخيم متلاهبه جبود
وعين الرباب اعله الدرب منتظره يعود
يبلل طفلها اشفايفه من شفايف الجود
وبهالخيم هاي جم مثله رضعان
منتظره الماي بخيام الاحزان
كل ام طفل كل مرضعه
بالجود املها
بح صوته من كد الضمه
تعاين طفلها
وشلون تعطش عايله
مابين اهلها
ينتظر عباس كل طفل عطشان
ملنهبه الانفاس بخيام الاحزان
تطلع رقيه ويه الظهر
المدلله هاي
تنزل ابوها من المهر
وتنشده عالماي
يابويه والله العطش
جمراته بحشاي
تنشد من حسين عن كمر عدنان
عاف العطش وين بخيام الاحزان
تشبح على درب النهر
كل هاي الاطفال
حتى الدمع جف ويبس
بعيون العيال
وكلها تهيج من الخيم
لو خطف خيال
كل الرقيات عدهن امل جان
والزينبيات بخيام الاحزان
عباس اخذ جوده وطلع
يحسين وينه
للنهر راح برايته
ومارجع لينه
ماتدري هاي العايله
مطفيه عينه
ماتدري بالجود بدته العدوان
ومنتظرته يعود بخيام الاحزان
يازينب عضيد الگلب یرجعلچ منین
بیمن یشوفه للدرب
من نزفة العین
عباس ضل عالمشرعه
ماعنده چفین
عنه اليعطشون لا تنشد الآن
متشوفه العيون بخيام الاحزان
عباس ضل عالمشرعه
لا اخو عندي
بضماه جبده ملتهب
هم مثل جبدي
يازينب آنه بغربتي
خلاني وحدي
لا اخوه وياي لا عندي شبان
مايوصل الماي بخيام الاحزان
عباس ضل اعله النهر متهشم الراس
من بعده تجرح جبدتي يازينب الناس
هم نحري خويه ينكطع هم صدري ينداس
بعدي اعله الخيام تهجم الفرسان
تنسحك ايتام بخيام الاحزان
الشاعر صباح امين
الرادود احمد الفتلاوي
تدوين ونشر ابو منتظر السواد
https://t.me/tahseen_alswad
تعليقات
إرسال تعليق