مولد رسول الله صلى الله عليه وآله
عطايه الناس لابد منه بيهه
الامور المانحلهه منه بيهه
الامه الما توعت من نبيهه
يضل بيها الضلم والجاهليه
محمد هادي العقابي
مولد رسول الله صلى الله عليه وآله وسلم
كل السماوات والاملاك الك ودها
وكل الاراضين ترحب يمنقذها
ياهله بمحمد
غالي الله يشهد
والفرح تجدد
هالليله
.................
نورك غزه عيون النضر
يااطهر وانقه بشر
يالمصطفئ حبك كبر
بالدنيا شفته
هوه العشك من أوله
انت الذي تستاهله
الغيرك ابد لا ماحله
يحلالك انته
بميلادك الليله الأمل يارحمة الله
كل الوجود بطلعتك يالهادي صله
نورك كحل عين الزمن
انته الابو وانته الوطن
يانور الأنوار بالأسرار علم عندك
كل المعاجز اجت زايره المهدك
الليله مامثلهه
الله الك جعلهه
وبلطف شملهه
هالليله
..................
غرد الطير امن الفرح
وگلب الوجود اليي انشرح
بارض وسمه اسمك صدح
فرحه وبشاره
بميلادك الخير النزل
ماشفنه مثله ولا حصل
يمهدم اصنام الجهل
واهل الحجاره
من طاحت اصنام الكفر والجاهليه
هاي العلامه المولدك سيد البريه
ربنه الك سوه العجب
مثلك منو منه اقترب
ياصانع الخير والامجاد ضوه سنينك
يارحمه للناس والإسلام يضل دينك
يااصل عشكنه
نحبك وتحبنه
مولدك جمعنه
هالليله
....................
ضحكت الدنيه بشوفتك
وتغازلت بمحبتك
بالكون كلشي بخدمتك
بأمر الجلاله
من عطرك ايغار الورد
من تمشي لعيونك يصد
انته بخصالك منفرد
يابو الرساله
كلمة حبيبي بس الك كالاهه ربنه
هنياله كلمن يخدمك والترضه عنه
أجمل عمر في خدمتك
انته الشفيع الامتك
بميلادك اليوم فرح يملي دنيانه
هذا احله الاعياد يطه يمولانه
المولد نبينه
بالفرح اجينه
والورد بدينه
هالليله
محمد هادي العقابي
مولد رسول الله صلى الله عليه وآله وسلم
حبيناك من البدايه
حبيناك للانهايه
يامحمد يامحمد يامحمد
...............
أشرق النور وجماله بطلعتك
الله خالق هل بشر لمحبتك
الليله من مرت يهادي فرحتك
الدنيه والاملاك كلهه بخدمتك
ناديناك اهلا نببنه
ناديناك خيمه علينه
يامحمد يامحمد يامحمد
...............
طاحت الأصنام يالهادي الك
انته بيدك كله يندار الفلك
المايحبك من صدك ضاع وهلك
رحمة الله وللبريه نزلك
هذا اليوم خير وسعاده
هذا اليوم يوم الولاده
يامحمد يامحمد يامحمد
................
أجمل أعياد الزمن وهل الزمن
يانبي الرحمه يطه المؤتمن
بدين الإسلام انته خمدت الفتن
وطن صرت الامتك وجمل وطن
يابو الخير يابو المحنه
يابو الخير حبك جمعنه
يامحمد يامحمد يامحمد
..................
الليله جبرائيل من كد الفرح
يهتف بسابع سمه وصوته صدح
اسمك بكاع وسمه نوره وضح
كل صدر يالمصطفى الليله انشرح
نور العين انته وضواهه
نور العين يالغالي طه
يامحمد يامحمد يامحمد
..............
نزلت أملاك العرش يم المهد
الفرحه عدهم الك احله امن الشهد
احله مولود انته هليله انولد
مااجه كبلك ولا بعدك ابد
هايم بيك كلمن يشوفك
هايم بيك لامايعوفك
يامحمد يامحمد يامحمد
محمد هادي العقابي
انخلق هل كون كله الخاطر اعيونك
يالبيك العقول تحيرت كلهه
شحجي اعله المعاجز وادخللهه منين
والتاريخ عاجز ماوصل حلهه
ضلمه الدنيه جانت والجهل بالناس
وجفك بالإسلام العين كحلهه
هبل من طاح محد فسرلنه شلون
امن الوكفه تعب؟ ماكدر يحملهه
لذالك فكرت يمكن نتيجه الكيت
بعقلي القاصر ومقتنع من حلهه
جدمك يامحمد يوم لاح الكاع
من ثكلك الباري الدنيه زلزلهه
الله يحبك وسر حبه ماضماه
حبيبي ايگلك وبس الك گايلهه
ماضل لانبي ولامرسل ايضاهيك
كلها تضل وراك وانته اولهه
بميلادك الليله مانوج شموع
كون الروح من الفرحه نشعلهه
الفرح معلوم بشره ماهوينه
هوينه وبعد عنه ماهوينه
نبينه وغيرك انته ماهوينه
ونضل منك فقط ناخذ وصيه
محمد هادي العقابي
**********************
لبو الزهرا محمد .. العرش هالليله عيد
------------
نبينه / رحـــمــة الرحــمه
نبينه / امن العرش نعــمه
نبينه / وياحــلاة اســـمه
ابو القاسم
ضيائه / لمــحــه قدســـيه
ضيائه / مـــو طــــبيـــعيه
ضيائه / امن الله حصريه
ابو القاسم
احــتراماً للمــؤيد .. العرش هالليله عيد
------------
محبته / امن الله فطريه
محبته / مــيـه بالـــمـــيه
محبته / امحــبه الاهـــيه
يمن تسئل
وجوده / بيه طمئـنينه
وجوده / الحــق يدلينه
وجوده / الحب يغذينه
يمن تسئل
ومحـبته لامـتبرد .. العرش هالليله عيد
------------
صفاته / قل هو الجوهر
صفاته / بـل بــعد اكــثر
صفاته / طــاهراً اطـــهر
نبي الرحمه
نحبه / والـــد الــــزهــره
نحب / حب على الفطره
نحبه / اواجـــب انـذكره
نبي الرحمه
نعم والخاطر احمد .. العرش هالليله عيد
------------
السماء / اللــيله فرحانه
السماء / وفرحت اويانه
السماء / الوجه عطشانه
تهانينه
الحنان / الليله ميلاده
الحنان / وبانت اعياده
الحنان / ابوالد الساده
تهانينه
ابقدومه كلشي ورد .. العرش هالليه عيد
---------------
سوالف / بالنبــي طه
سوالف / ماحچيناها
سوالف / مافــهمناها
يهل تسئل
اشنوصفه / وبالاخص علمه
اشنوصفه / ماكــو فــد كلمه
اشنوصفه / ايقونة العصمه
يهل تسئل
وصفنه ماتحدد .. العرش هالليه عيد
-----------
عطائه / واســعه احدوده
عطائه / ســفره ممـــدوده
عطائه / امن السمه جوده
الكرم ثوبه
مضيفه / بابه ميسده
مضيفه / اتأمن ابسده
مضيفه / الجايه ميرده
الكرم ثوبه
الكرم يمه تردد .. العرش هالليله عيد
-----------
ولينه / بحبه وثقنه
ولينه / ومن تعمقنه
ولينه / بــيه تعــلقنه
لذا نفخر
نجينه/ بـــحبه ونــفاخر
نجينه / بالحــشر بــــاچر
نجينه / چيه صبح ناصر
لذا نفخر
لمن دربه تعبد .. العرش هالليله عيد
-----------
حيدر تركي الكربلائي
مولد النبي الاكرم محمد (ص)
نولـد للـه حبيب
بشر لكن عجيب
من جماله وكماله حير الناس
©©©©©©
اهلال النبي هل والخلگ فرحانه
بيـْه ازهـــرت بيـْه انـورت دنيانه
ابنفـس المهد يَمه انولـد قــرئآنه
وترتلـــت كل السّــــور بالســـانه
يا ســـــلام الله عَلِيه
من صفات الباري بيْه
ابصوت عالي اليوم اصيح
عاشگ اوميّـت عَلِيه
بعذِب حـُـــبّه ارتويت
خذِت من عنده صيت
من جماله وكماله حير الناس
©©©©©
الجِن والإنس وأرض وسمَه مسروره
شمس العلِي وصاحب علي هل نوره
يـا آمــنه بنتَ وهــب مشـــــــــكوره
جبتي النبي الحُر النلوذ ابســـــــوره
لجله تعلِه الصلوات
هوه مفـتاح النجاة
صاح جـــبريل ابسما
اليوم ميلاد الحياة
إله انعلگ زهـور
عطر خدّه بخور
من جماله وكماله حير الناس
©©©©©
ارواحـــــــنه ابهذا الحفل مهتمّه
ابصـفگه واناشيد وشــعر خنتمّه
طه الضـوه وهوه الهوه النشتمّه
حضره وعلـيه كل الخلگ ملتمه
جاذبيه اشـــكثُر بيه
نيوتن اتعجب عَلِيه
يجـــذب العـــالم هــــواه
سر ألاهي ابين اديه
نرفع للحـــبه شان
ضمن صك الجنان
من جماله وكماله حير الناس
©©©©©
الله اوْيَه طه ايسولف ابكل ليله
يشــــتاقله وســـرعان ما يوحيله
قــرئآن طـه والكتـــــــب ترويله
ورب المــــكارم مختص بتأويله
والنعم ســــيْد الأنام
هوّه دســـتور الغرام
بالقصيده اشما حچيت
عاجز ابوصفه الكلام
حرت عنه شگول
شـغل كل العقول
من جماله وكماله حير الناس
©©©©
هـذا الحفل والله انصب عالفطره
وللصــــادق وجعفـر الصادق نقره
حيدر حظر بيه بصطحاب الزهره
شــــاركنه فرحتنه ولزوم انشكره
گباله نوگف بحترام
اجــلالاً انهبطله هام
انســـــــلم اعليه ويگول
وعليــــكم الســـلام
همت بيْه من صباي
طـبَع حـــبه ابدماي
من جماله وكماله حير الناس
©©©©©
✍الخادم
كامل السعيدي
مجانين..مجانين..حب الرسول...وعترته
بالافراح...بالافراح....مجتمعه تفرح امته
حبيب الله محمد
******
عليك استبشر الكون فرح تزهي المدينه
يبو القاسم نناديك عشكنه اشكد هوينه
شمس والدنيا تهواك....شمع ونخلي زينه
عله اعتاب السموات..لكينه اسمك ولينه
تعالت بينه الافراح.........صدح فجر المسره
علن جبريل الاخبار.... نشوفك احلى بشره
تحيات....تحيات....نرفعهه..لجل امحبته
بالافراح...بالافراح...مجتمعه تفرح امته
حبيب الله محمد
*******
بزغ نور الله والكون ......وجه طه تردد
عرش والدنيا مصباح بسم هادينه احمد
حلات عيونك انشوف ضوه العالم تجدد
نبي وماغيرك ايصير فلا مثلك محمد
شمع وبحبك انذوب.....وجب شكرك علينه
فرح ونعلك الياس .......نبع تزهي المدينه
علامات...علامات...ظهرت معاجز رحمته
*******
تصافت بينه الكلوب..عله امحبتك يغالي
نشرنه الحب والأفراح..نهج حبك رسالي
مثيلك ماكو موجود شخص عالم مثالي
ألهك كلشي منطيك...صرت بالقمه عالي
محمد كامل الدين..........نهج ويوزع اخلاق
معاجز وانت قران....دخول اشلون الاعماق
محطات..محطات..اجمل معاني بشوفته
*******
يربي اديم الافرح.......بحق سيد رسلهه
محمد نوّر الكون....محه الظلمه بكحلهه
لكيتك بس كرامات......يوصفونك كللهه
عدل يمعدل الميل..انحذف جرت عللهه
محمد مولدك نور .........صرت للامه رحمه
هلاهل نشعل بخور.....وجودك احلى بسمه
كرامات..كرامات...يامحلى نوره وجيته
*******
#تمت بعون الله تعالى
#خادمكم....يوسف الفتلاوي
@yoseefALfatlawey
(( ابوذيات للرسول ص ))
فرحنه وبالعشك ورده.......ودينه
ورفعنه اشموع يالهادي.....ودينه
خسر كلمن يضد طه ......ودينه
مشرك بالرساله الاحمديه
***************************
تشب الروح وطفي .....من هواهم
وتنفسنه هوانه ...........من هواهم
بني طه يمن تسأل..........من هواهم
محبتهم فرض واجب عليه
*****************************
خبر هالليله بالبهجه..................وردنه
ونثرنه بمولده فرحة..................وردنه
عله الحوض احنه لونعطش.....وردنه
بچفوفك سيدي نشرب سويه
****************************
يوسف عباس الفتلاوي
هوسات للنبي صلى الله عليه واله وسلم
بساق العرش اسمك منكتب من نور
الهادي وأهل بيتة بالليالي بدور
بالعرش اسمة انكتب وبكل گلب محفور
والدنيا..... بنورة يضويها
=====================
لجلك الله سوة الأرض والاكوان
مُحمد ماحصل بالكون مثلة انسان
رحمة لكل عبادة نزلة الرحمٰن
وللباري..... عبدة ومحبوبة
====================
نور مولدك والدنيا ضواها
بالهادي وعترتة الدنيا محلاها
كلمن والة طه وعترتة الأطهار هدية من الإله الجنة خلاها
ومبارك..... مولد هادينا
======================
أسالكم الدعاء رائد الاسدي
قصيدة في ولادة النبي الأكرم صلى الله عليه وآله وسلم .
ـــــــــــــــــــــــــــــــــــــــــــــــــــــــــــــــ
نورَه مِن سِطَع نورَه مِن سِطَع
هَلّ البِشِر عَلينه
نورَه مِن سِطَع نورَه مِن سِطَع
كِلّ الهَلا بنَبينه
ـــــــــــــــــــــــــــــــــــــــــــــــــــــــــــــــ
طَير السّعَد إجانَه
وِيرَدّد بعِبارة
يَهلِ الارُض جميعاً
عِندي لَكُم بِشارة
كِلمَن دِليلَه ظامي
ومَحّد يِطَفّي نارَه
نورِ النبي محمد
عالدّنيا شَع نَهارَه
سَيد البَشَر سَيد البَشَر
بجَيتَه الأمَل يِجِينه
نورَه مِن سِطَع نورَه مِن سِطَع
كِلّ الهَلا بنَبينه
ـــــــــــــــــــــــــــــــــــــــــــــــــــــــــــــــ
طَر فَجرَه عالخلائق
نورِ النبي إجانَه
وتزَيّنَت أرُضنه
وزَخّت فَرَح سِمانَه
بمَولِد نَبينَه أحمد
خَل تِفرَح الحَزَانه
طِيبة وصِدِق صِفاتَه
ومِن شِيمِتَه الأمانة
طاهِر النّسَب طاهِر النّسَب
وَصَاحِبِ السكينة
نورَه مِن سِطَع نورَه مِن سِطَع
كِلّ الهَلا بنَبِينه
ـــــــــــــــــــــــــــــــــــــــــــــــــــــــــــــــ
صَرحِ الشّرِك تِهَدّم
وبيَمنِته يِزيلَه
وغَيم الكِدَر تِلاشَى
مِن بَسمِته الجميلة
وطَير السّعَد تِغَنّى
وبرَوضِته الخميلة
وحَتّى الصّخَر تِصَدّع
يَم حَضرِته الجَليلة
خاتَم الرّسُل خاتَم الرّسُل
وقائد السفينة
نورَه مِن سِطَع نورَه مِن سِطَع
كِلّ الهَلا بنَبينه
ـــــــــــــــــــــــــــــــــــــــــــــــــــــــــــــــ
بارِينه كِل رَحِمتَه
وكِل مَنقبة كريمة
خَلّاهه في حَبيبَه
بأخلاقهِ العظيمة
مِتكامِل بصِفاتَه
وبفِطرِتَه السلِيمَة
بي تِهتدي البَريّة
وبنظرِتَه الحكيمة
لشوفِتَه الگلُب لشوفِتَه الگلُب
يتلاهَب بحَنينَه
نورَه مِن سِطَع نورَه مِن سِطَع
كِلّ الهَلا بنَبينه
ـــــــــــــــــــــــــــــــــــــــــــــــــــــــــــــــ
أبعَث إلَك سَلامِي
يا سَيّد البَرايَا
أشواقي ومنياتي
وَي خالِص التحايَا
أعلِن إلَك وَلائي
يا طَيب المَزايَا
بيك أرجو مِن إلهي
يِغفرلي هالخطايا
يا بو فاطمة يا بو فاطمة
فَضلَك فلا نِسينه
نورَه مِن سِطَع نورَه مِن سِطَع
كِلّ الهَلا بنَبينه
ـــــــــــــــــــــــــــــــــــــــــــــــــــــــــــــــ
بقلم الأستاذ / ستار عذاب الحچامي
قصيدة في ولادة النبي الأكرم صلّى الله عليه وآله وسلّم . مُلَمّع
ـــــــــــــــــــــــــــــــــــــــــــــــــــــــــــــــ
حَبيبي يا مُحمد يا مُحمد
حَياتِي يا مُحمد يا مُحمد
ـــــــــــــــــــــــــــــــــــــــــــــــــــــــــــــــ
على الأغصانِ طَيرُ الحُبّ غَرّد
وهاجَ الشوقُ في قلبي وَوَرّد
وغَيثُ اللهِ قَد نَزَلَ ٱحتفاءً
بمَولِدِ سَيّدِ الثّقَلَينِ أحمد
عَليمَن تِسأل وتِنطُر جَوابي
تِخِبرَك هالسهول وهَالهِضابِ
بِزَغ فَجرَه وگِشَع كِلّ الضبابِ
وفَرَح هالكون في ميلادِ أحمد
ـــــــــــــــــــــــــــــــــــــــــــــــــــــــــــــــ
وأوصالي وما يَسري بجِسمِي
وأنفاسي تُنادي يا مُسَدّد
رسولٌ طاهِرٌ بَرٌّ نَقِيٌّ
لَكَ الأعداءُ قَبلَ الصّحبِ تَشهَد
رسول وأكرَمَك رَبّ البَرِيّة
حَبيبه وخَصّك بهاي المَزِيّة
أمين وصادق ورَادَك نَبِيّه
ولا يوصَل مكانَك طه أحّد
ـــــــــــــــــــــــــــــــــــــــــــــــــــــــــــــــ
بُعِثتَ إلى البَرِيّةِ فٱستنارَت
وكانَ نهارُها بالشّركِ أسوَد
بُعِثتَ تُتَمّمَ الأخلاقَ فِينا
ومِن أنوارِكَ الدُّرّيُّ يُوقَد
إلهي الأرسَلَك للناسِ هادي
وجَعَل حُبّك خلاص لهَالعِبادِ
الشّرِك هَدّمتَه ورموز الفسادِ
وجَعلتِ البَرّ والفاجِر يِوَحّد
ـــــــــــــــــــــــــــــــــــــــــــــــــــــــــــــــ
ولَم تَقبَل سِوَى الإسلامِ دِيناً
وتَأبَى أنّ غَيرَ اللهِ يُعبَد
رَسولَ اللهِ يا أمَلَ البَرايا
أهذا طِيبُ ثَغرِكَ أم زَبَرجَد ؟
رسولَ الله ونِعِم مِنّك يَطَه
وَصِيّك حَيدرالجَنّة ٱشتَراهَه
سَلامي لفاطمة الكوثر وَباهَه
وعلى العِترة الشريفة المِنهه تِمتَد
ـــــــــــــــــــــــــــــــــــــــــــــــــــــــــــــــ
سَيَبقى فيكَ مَدحِي وٱعتقادي
فَمَدحُكَ مِنهُ مَدحُ الحَقّ يُولَد
بِكَ الرّحمنُ قَد بَاهَى وصَلّى
عَليكَ وقَلبُك المِعطاءُ مَعبَد
هُوَيتَك مِن قَبِل ما نُطفة أصبَح
حِزَنتِلكُم يَطَه وإلكُم أفرَح
لَوَن كِل ساعة آنه لأجلَك أذبَح
فَلا أوفي ولا مِن بَعدي أحّد
ـــــــــــــــــــــــــــــــــــــــــــــــــــــــــــــــ
بقلم الأستاذ / ستار عذاب الحچامي
قصيدة في ولادة النبي الأكرم صلّى الله عليه وآله وسلّم .
ـــــــــــــــــــــــــــــــــــــــــــــــــــــــــــــــ
حُبّ النبي الهادي
وَرّثتَه لأولادي
كِل رايِح وغادي
أسأل عن أخباره
ساكِن نَبينَه بأرضِ المدينة
ـــــــــــــــــــــــــــــــــــــــــــــــــــــــــــــــ
يالرّايح لمَحبوبي وَصّل سلامي
ويّاك إخِذ مكتوبي وحُبّي وغَرامي
گِلّه الجِفِن ما نايِم
بحُبّه الگلُب ظَل هايم
صايِر سَجِينَه بأرض المدينة
ـــــــــــــــــــــــــــــــــــــــــــــــــــــــــــــــ
وَيّ النّسيم أبعث إلَه أجمل تهاني
بدَمعِ الفَرح أرسِم صور تِحمِل أماني
مِن هَب عِطِر مِيلادَه
خَنيَب نَهَر أمجاده
بمايَه ٱرتوينه بأرض المدينة
ـــــــــــــــــــــــــــــــــــــــــــــــــــــــــــــــ
حُبّه البَحَر والسفّان عِشگي ووِصالي
بغيابه الگلب حيران ظلمة الليالي
سَهران أعِدّ ٱنجومي
وتگبّعِت بِهمومِي
وروحِي الحَزينة بأرض المدينة
ـــــــــــــــــــــــــــــــــــــــــــــــــــــــــــــــ
گالوا وَجِه طَه ٱينور شَعّت خُدودَه
رَيت العِمَى ٱيصِكهه العَين ذيچ الحسودَة
بوَجهَه وجَمال ٱعيونه
كِلهه الخَلَگ مفتونة
وظَلّت رَهِينة بأرض المدينة
ـــــــــــــــــــــــــــــــــــــــــــــــــــــــــــــــ
إسمَه الضُّمَد لجروحي ما لِكنِي سِحرَه
تِسكِن تِهَوّد روحي كِلما أذِكرَه
لَجلَه الشّعِر حَبّيتَه
بأجمَل لفظ قَفّيتَه
دَلّالي وَينَه بأرض المدينة
ـــــــــــــــــــــــــــــــــــــــــــــــــــــــــــــــ
بفراگه تُبقى ٱدياري وَحشة ومُظِلمَة
والباري أرسل طَه للأمة رَحمة
هَوّه الشفيع الأكبر
للأمة يوم المَحشر
بهَجرَه ٱنچوينَه بأرض المدينة
ـــــــــــــــــــــــــــــــــــــــــــــــــــــــــــــــ
بقلم الأستاذ / ستار عذاب الحچامي
أبوذيّات في ولادة النبي الأكرم صلّى الله عليه وآله وسلّم .
ـــــــــــــــــــــــــــــــــــــــــــــــــــــــــــــــ
مَقامَك طَه ما واحِد وَصَلّه
عَليك الباري مِن سَلّم وَصَلّى
العَبِد لولاك ما كَبّر وَصَلّى
ولا عُرفَت حَلال الله البَرِيّة
ـــــــــــــــــــــــــــــــــــــــــــــــــــــــــــــــ
إنعَرَف شَرع الله بَخلاقَك وَعَدلَه
وَانَه لمَولِدَك أحسِب وَعِدلَه
تِصِح بَس مِنّك الزّينة وَعَدلَه
أمين وعِصمِتَك صَارت مَزِيّة
ـــــــــــــــــــــــــــــــــــــــــــــــــــــــــــــــ
يَمَن وَجهَك جَمال ٱهلال مِن هَال
كريم وچفّك لكِل جود مِنهَال
مُطَر مَدحِ وثناء اعليك مِنهَال
وأصلّي ٱعليك كِل صُبح ومِسِيّة
ـــــــــــــــــــــــــــــــــــــــــــــــــــــــــــــــ
گِطَع يَمناك رَاس الكُفُر وَالهَام
يِجيك إحساس عالمَظلوم وِلهَام
يَمَن شوفَك يِزيل ٱغموم وَالهَام
رسول وصادق وكِلّك حَمِيّة
ـــــــــــــــــــــــــــــــــــــــــــــــــــــــــــــــ
بقلم الأستاذ / ستار عذاب الحچاميhttps://t.me/AsTA7891DsattarHAGAMY
قصيدة في ولادة الإمام الصادق عليه السلام .
ـــــــــــــــــــــــــــــــــــــــــــــــــــــــــــــــ
هالليلة ميلادك يبن هادينه
يا سيدي ودَمعِ الفَرَح هَلّينه
ظامي الگلب لزيارِتك حَنّينَه
ـــــــــــــــــــــــــــــــــــــــــــــــــــــــــــــــ
إلَك أبعث تَهانِي
وتَحيات وأماني
يَبن هادينه طَه
يَبن باقر عُلومَه
الفَلَك فُرحَت نُجومَه
الخَبَر لَمّن إجاهَه
صَلّت على الهادي النبي وصَلّينه
يا سيدي ودَمعِ الفَرَح هَلّينه
ظامي الگلب لزيارِتك حَنّينَه
ـــــــــــــــــــــــــــــــــــــــــــــــــــــــــــــــ
إجَه الخير بحُضورَك
گُمَر ساحِرنه نورَك
شَسولِف عَن جَمالَك
الوَرِد خَدّك يِعُرفَه
المُوالِي بگلبه لَهفَة
ودَمِع عَينَه الدّلالَة
والشوگ شَمعة وتِحتِرگ بِونِينَه
يا سيدي ودَمعِ الفَرَح هَلّينه
ظامي الگلب لزيارِتك حَنّينَه
ـــــــــــــــــــــــــــــــــــــــــــــــــــــــــــــــ
يَنبراس الشهامة
يَعِنوان الكرامة
يَمَحبوبي وإمامي
الجَرِح إنتَه وطَبيبَه
الگلُب يِسعَر لَهِيبَه
بجَمُر حُبّي وغَرامِي
طَال الهَجُر يا لصادق ومَلّينَه
يا سَيدي ودَمعِ الفَرح هَلّينه
ظامي الگلُب لزيارِتك حَنّينَه
ـــــــــــــــــــــــــــــــــــــــــــــــــــــــــــــــ
يَمَن قَولَك سَبائك
نِزَل فَوجِ المَلائك
يِرَدّد هالعِبارَة
هَلَا بإبنِ الزچيّة
بِزَغ عالدّنيا ضَيّه
إهتِدَت بِيك الحَيارَى
يَالساكِن بروح المُوالِي وعَينَه
يا سيدي ودَمعِ الفَرح هَلّينه
ظامي الگلب لزيارِتك حَنّينَه
ـــــــــــــــــــــــــــــــــــــــــــــــــــــــــــــــ
إلَك تِحله القيادة
نِهَنّي بهَالولادة
جَميعِ الجَعفرِيّة
ونِهَنّي الحُجّة كِلنَه
أبو صالح أمَلنه
بقَصائِدنه البَهِيّة
دَربَك يَبو الكاظم نِظَل ماشِينَه
يا سيدي ودَمعِ الفَرح هَلّينه
ظامي الگلب لزيارِتك حَنّينَه
ـــــــــــــــــــــــــــــــــــــــــــــــــــــــــــــــ
يَمِنهاج العدالة
إلَك رَبّ الجلالة
جَعَل عِزّة ومَهابة
لأن قُرآنه إنتَه
وعِلِم جَدّك خِزَنتَه
وذِكَر فضلَك كِتابه
وحَتّى الكواكب بالسما اتهَنّينَه
يا سيدي ودَمعِ الفَرح هَلّينه
ظامي الگلب لزيارِتك حَنّينَه
ـــــــــــــــــــــــــــــــــــــــــــــــــــــــــــــــ
بقلم الأستاذ / ستار عذاب الحچامي
تعليقات
إرسال تعليق