📜 القصيدة: الله أكبر
🎤 أداء: مسلم الوائلي
🖋 كلمات: حمزة الحسناوي
~~~
الله يديم الخدام .. الله أكبر
شدوا لحسين احزام .. الله أكبر
والله يرفعون الراس
جنهم راية عباس
الله أكبر .. الله أكبر
~~~~
حيهم عالخدمه وشد حيلك اركض مثل اليطلب ثار
كون مغالب خادم خادم واحد من الثاني ايغار
شگ ثوبك ولطم وتحزم وترس حلگه اليحجي احجار
والگلك تبذير وحرمه گله انه ارد ادخل للنار
نسمع بيهن كل عام .. والخدمه تكبر
الله يديم الخدام .. الله أكبر
محد من جيبك جاس
والله يرفعون الراس
الله أكبر .. الله أكبر
~~~
طب بعينه الراد ايعطلك گله اثبت خنشوفك وين
اصلاً محد ماخذ رايك تحجي وتسكت صار سنين
ظل بثوب الملحد تطلع بطران وتحجي اعله الدين
انته اتسولف وانه ادافع وي الزوار اعله حسين
من جدمك حد الهام .. خل اسكت منبر
الله يديم الخدام .. الله أكبر
تفهم شرد احجي الناس
والله يرفعون الراس
الله أكبر .. الله أكبر
~~
من اسكت مو خايف منك كلش گادر جفي عليك
بس انه مربيني المجلس وانته ابن العاص مربيك
راجع تاريخه وتفهمني الصار بجدك صاير بيك
كلما تنزع ثوب اجدادك بتراب الخدمه انغطيك
يل بسعرك تنسام .. عن دربي اتكتر
الله يديم الخدام .. الله أكبر
جدم الخادم ينباس
والله يرفعون الراس
الله أكبر .. الله أكبر
~~
كافي اتغض عيونك عنهن موقف موقف راح انعيد
ولد المجلس فوگ الساتر وانته اتباوع من بعيد
عمرك خلص بس اتنظر بس گلي انته ابيش اتفيد
تشبع بس بالخدمه الفقره محد يشبع وكت العيد
للفقره والأيتام .. موكبنه محضر
الله يديم الخدام .. الله أكبر
باجر راسك ينداس
والله يرفعون الراس
الله أكبر .. الله أكبر
~~~~
شوف الوادم تخدم وسكت غصباً عنك ترضه بهاي
لحسين الينصبله ابجادر جن ايسوي الجسمه افياي
حب الدنيه وعيش بكيفك محد ماخذ منك راي
همه امثالك بالطف وگفوا سدوا عن حسين الماي
امثالك ما تلام .. بس تالي تعثر
الله يديم الخدام .. الله أكبر
اعرف عرجك دساس
والله يرفعون الراس
الله أكبر .. الله أكبر
°°°°°°°°°°°°°°°°°°°°°°°°°°°°°°°°
قصيدة : الله أكبر • أداء : #مسلم_الوائلي • كلمات : حمزه الحسناوي • عزاء مسجد السيد الشهيد الصدر | 1444هـ • المكان | العراق - واسط - الكريمية
تعليقات
إرسال تعليق