مرتضى حرب || وينك يغايب || شهادة الأمام الحسن العسكري _كلمات مكتوبة

وينك يغايب.. والد واعاتب

آنه ابوك العسكري.. وينك يغايب

جرح بسمار.. وباب بيه نار

وعطش وخيول وذبح.. ابدي بويه بياجرح

جم طفل نام.. بين الاسهام

بكربله مات العشگ.. حسين صدره ينسحگ

يالوعه اضمها بكربله واحجي يالوعه

بويه بحوافرهم طحن طحنوا ضلوعه

وشيخ العشيره.. انشال بحصيره

آنه ابوك العسكري.. وينك يغايب

_
مرت سنين... رايدك وين
حسين طاحت رايته... والحوافر داسته
وعالرمح راس... هذا عباس
اسيوفهم ماذبحته... الغيره هي الكتلته

من شاف المخيم دوه وعطشت اسكينه
كطعوا يمينه والسهم نابت ابعينه

ومن طاح اخوها... زينب سبوها
آنه ابوك العسكري وينك يغايب
_
ثاني عاشور... هدم الگبور
داير اعلينه الحزن... بذبح لو سم لو سجن
المات يرتاح... واحنه الرماح
بروس موتانه مشت... وانه روحي اتعذبت

سامره مدري شجم جرح بيها لو تدري
لحكوني بويه اعله الكبر وهدمو كبري

جرحي وطبيبه... طوّل مغيبه
آنه ابوك العسكري وينك يغايب
_
كون اليعود... بيته موجود
واهله تتلگاه سوه... وتنترس ريته هوه
وانت لو جيت... فارغ البيت
ياهو اليگلك هله... وكلها موته بكربله

باجر يبويه بكربله توكف هوايه
تذكر عمامك والضمه وطيحت الرايه

وتذكر محامل... هودجها مايل
آنه ابوك العسكري وينك يغايب
_
عدنا ثارات... للسبيات
خذوا زينب عمتك... بويه عجّل طلعتك
بخربة الشام... زينب تنام
من عكب ذاك الخدر... بت علي اتطب القصر

عبدالله بويه بكربله تنزف جروحه
طلع السهم من رگبته وخل ترد روحه

رايه بيمينك... لاتغفه عينك
آنه ابوك العسكري وينك يغايب
_
للشاعر سيد محمد الموسوي

 

ليالي : شهادة الامام الحسن العسكري القصيدة : وينك يغايب اداء : مرتضى حرب كلمات : الشاعر سيد محمد الموسوي المكان : بغداد- البلديات- جامع الامامين الجوادين