قبل عام| ملا محمد بو جباره| كلمات مكتوبة
قبل عام|ملا محمد بو جباره|كلمات مكتوبة
*********************************
قبل عام يختلف طعم الهوه
قبل عام اذكر القعده سوه
كل شي ماكو بلا حسين..آنه ويني واهلي وين
قبل عـــام
..............................
آنه زينب بت علي ضايعه ابضيعة هلي
يادموعي استقبلي ايام الحسين
من قبل عام اذكرك..من نظرت لمنحرك
صحت باقي العاشرك.. ياخويه شهرين
قبل لا ابدي بمصابك واقره مقتل
خويه شخبارك اسالك والدمع هل
هانت العشره عليك وشو متسأل
تذكرآخر مره شفتك وآنه عالتل
من زمان..مااجه منك خبر
من زمان.. وانعم الله عالنهر
عالرمح فاتحلي عين..آنه ويني واهلي وين
............................................................
جنت يومياَ تمر..انصلي واقره بالفجر
الحمدٌ لله والشكر..دام انته موجود
وجنت ما اعرف خطر..بزودك وزود القمر
والله لا ينطي النهر مني خذه زنود
شذكر وشنسه ولا يبرد حنيني
سنه ما محسوبه جانت من سنيني
جان كل شويه ابو فاضل يجيني
زينب شمحتاجه قولي بعد عيني
تالي راح.. وعافني بنص كربله
تالي راح..واجه بسوطه حرمله
شبيدي عالماعنده ادين..آنه ويني واهلي وين
.....................................................
ليش مسبيه انكتب..حرمه ماعندي ذنب
الله يرضاهه انسلب..جدام العيون
ادري اله حوبه العمر..اسنيني مو مالة يسر
ويني ووين الشمر..واسمع يقولون
ماتو اهلج ما يجيج اليوم موتج
ماكوبيدج غير يازينب سكوتج
شما بجيتي بعد ما يقعدون اخوتج
وعله عناد حسين يطلع راح صوتج
للفرات..اتوجهت يابو الفضل
للفرات..السوط صعدني الهزل
وهوه يعرف وضعي زين..آنه ويني واهلي وين
.................................................................
ليش عايفني بهجر..ليش قاطع ماتمر
ليش موتني الصبر..وليش جم ليش
لا قلت وين التفت..ولا قلت عندي اخت
والله خويه ادوهنت..حرمه بوسط جيش
اليسوه والما يسوه يم زينب تمرجل
ليش عفتوني يخوتي بنوق هزل
هوه جم حسين عندي حته ترحل
وهوه جم عباس عندي ويرضه ازعل
ماكو صوت..اكتفي بدمع النظر
ماكو صوت.. نايمه بعيني الصور
كل سوالفنه ونين..آنه وين واهلي وين
كلمات | الشاعر حمزة السماوي
استشهاد الإمام جعفر بن محمد الصادق |عليه السلام| - 1439هـ
هيئة وصال العاشقين |واسط - الكوت| - (العراق)
الله يرزقني صوته انشالله
ردحذفابي قصايده اخر ايام العمر حق محمد بوجباره
ردحذفقبل المنيه احب اسمعهه علطول روعه ربي يطول بعمرك
ردحذفالله يسلم حنجرتك الذهبيه ماشاءالله
ردحذفوسم الله على قلب زينب