احمد الساعدي|ابو الدنيا|مكتوبة
وشحلاتك انته يالمالك مثيل
اسمك التاريخ واسمك موقليل
بكل زمان تجنن وماغيروك
الاصيل انته وشنو يغير الاصيل
ياابو الدنيا نجي ونطلب رضاك
غيرك شعدنه ونحب احنه وراك
انته بيت الورد والحب والحنان
تعيش يعراق وعسه عمرك طويل
العراقي ياهلا.....الكرم بيته وهله.....رجع عيدك هلا
........ينور الليالي
النفس انته الهوى.....القلب يمك هوى.....ولاغيرك هوى
.......ياطيب ياغالي
انته اول من كتب كلمة حياة
ومن ترابك تربه ناخذ للصلاة
ماعطش طير اعله كاعك مستحيل
الماشرب من دجله مر اعله الفرات
يا وطن بيك البشر كد الحمام
تبقى كاعك قبله للحب والسلام
اكبر من الدنيا كلبك ياعر اق
صعبه صعبه ما يوصفك اي كلام
العراقي ياهلا.....الكرم بيته وهله.....رجع عيدك هلا
........ينور الليالي
النفس انته الهوى.....القلب يمك هوى.....ولاغيرك هوى
.......ياطيب ياغالي
كلمات الشاعر"محمد الصادق"
تعليقات
إرسال تعليق