إقعد يغالي - الملا محمد بوجبارة مكتوبة +تحميلmb3
إقعد يغالي - الملا محمد بوجبارة | ليلة 9 محرم 1441 هـ
الكلمات | الشاعر كرار حسين الكربلائي
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: ::
يااول اخوتك تتعنــه عله موتك ذابحني سكوتك اكعد يغالي
للخيم صوتك وصل صوت احمرﭼـنه دمــك المهر ماتانيته يوگف طحت من فوگاه يمـــك
رمل وتراب بطبرتك وبمكان الطبرة اشمك بالنبل متروس صدرك حرت يبني شلون اضمك
يالعشت بوصالك. شمغيب جمــالك. كل هاذه الجرالك ريته جرالي
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــــــــــــ
بلايا روح اوڰفت يمك صوت ماكـو ابﭼــي سكتــه جسد صاير وذره وذره صحت يوليدي وشبگتـــــه
ذابل من العطش وجهك وجه ابني و ماعرفتــــه ليش ساكت وآنــه يمك احـﭼـي مو گلبي حرگتــه
ﭼـلمــة يبني ماتـت طاح وروحــي طاحـت كل جروحي صاحت شيب خيالي
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــــــــــــ
عاتبت بدموعي مهرك ليش صوب الگــوم يرجـــــع شــحال گلــبي وآنه اشـوفن اكبــر اولادي يتگــطع
مـن اشيلن كتـر منــك بيدي كــتر الثاني يوگــــــع عله الدنيا العفــــه بعـــدك ردت موتي بفرد مصرع
جسمك وذره وذره ﭼـــم طبره علـــه طبره كسرك من يجبره ڰلبي بﭼــــالــــــي
.................................
گبال ذيـﭺ الناس كلها تمددت بالشمـس والحــــر بالحرب نمت علـه طولـك صحت يبني الله واكبر
للخيم من شلت جسمك انه امشي وعمري يگـصر وصحت نوحن يالفواطم من ادينه راح الاكــــــبر
ياضي عيني انته و بالعاشر فگـــــدتــه بين اديه شلته تعبي ليالي
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــ
طلعت من الخيمه زينب ياعلي گلتلهــا ردي خاف واحد ينظرلهــه خـدر زينب غالي عندي
امك تناشدني عنك شاهـدت دمك بخــــــدي گبالي من تصيح يمــه ينمـرد يابويه ﭼـــبدي
گلتلها علي راح. وصبي النظر راح بالخيمه عله الاصياح بﭼــه العــوالي
ـــــــــــــــــــــــــ ـــــــــــــــــــــــــ ــــــــــــــــــــــ
ياعلي والابــن الاكــبر لو رحــل منهــو يعــوضــــه راح اودع اهــل بيتي ابگــﯼ وحــدي شلون ترضـه
الشمر بعـدك يحز نحــري والصــدر حافـر يرضــــه وآه ياسبيـــة حريمي عليـــه من الذبح ٲمضـــــــــه
تواسيني المنيه وعماتك سبيه وديوان آل اميه شاغلي بالـــــي
للتحميل بصيغة mb3
تعليقات
إرسال تعليق