كلمات: خادم الحسين مؤيد الحسناوي
شماتخدم لابو السجاد يجيلك يوم بيه عازه
احضر مجلسه بعاشور يحضرك وكت الجنازه
اطيح بدنيتي وماكوم وادري حسيني عكازه
خلصت والعمر محسوب يمكن باﭼر اتوازه
اذا متكول بسم الله راح تزعّل النعمـــه
حسين انطاك شتجازيه مبارك قطرة من دمه
ومن تگول آه ياحسين تعطر الدنيه هالجلمه
صدرك من يمر عاشور دوم عله اللطم علمه
يكلك هاك اخذ شتريد اذا تلطمله لطميه
يدور عليك بين الناس يجي وينطيك ع النيه
وعله جتافك توزع ماي ثواب بهاي الميه
زينب من عثر بالخيل كامت صاحت اسم الله
يبجي هواي ابو السجاد اذا مر طاري البنيه
وكالت ها وكع لا كام ها مدري اعتقد صله
اذا خنصر يمر ع البال تضل تبجي محابسنه
الزغار بمجلسه يحضرون بيهم هلةٍِ هلـه
لايزعل طفل ويروح لان مايرضا عبد الله
شحيحه وجوهنه بلاياه ونهر من وجهه تارسنه
اذكروني بشراب الماي ذكرناك بمجالسنه
السواد بكل كلب موجود اكثر من ملابسنه
تعليقات
إرسال تعليق