علي راح - الملا محمد بوجبارة -,كلمات.مكتوبة-تحميلmb3 {قصائد الملا محمد بو جبارة مكتوبة}

علي راح

علي راح يا زينب قومي سنديني علي راح علي راح تعالي وعاونيني نشد الجراح

اشيله شلون لامه أخاف تموت يمه أخاف تموت يمه عــلي راح

تعالي يا اختي يا زينب تعالي انقطع راس الولد يا اختي قبالي
تعالي وعاونيني وهذا حالي انكتب جدامي تتذبح عيالي

علي راح اجيتج بس ادق الراح بالراح علي راح شفتهم قطعوه قبالي برماح

دليل امه من الجمه أخاف تموت يمه أخاف تموت يمه علي راح

اذا آنـا أبـوه ومـا عـرفـتـه أودي شلون يا اختي لأمه جثته

أخاف اعلى قلبها وقلب اخته شفت كسروها يا زينب يمنته

علي راح احترق قلبي عليه ويضحك الذباح علي راح يا زينب لحم ابني تقطع اصفاح

الولد مطحون عظمه أخاف تموت يمه أخاف تموت يمه علي راح

يازينب بالبواجي ساعديني على ابني ليت ما فتحيت عيني

على صدرج يا اختي يا زينب خذيني شفت واحد يغط رمحه جنيني

علي راح يا خيه خذيني بلجي بصدرج ارتاح علي راح يا زينب وزعوه بأنواع السلاح

على امك ضيع رسمه أخاف تموت يمه أخاف تموت يمه علي راح

يازينب حيل قاسي الحز وريده بخنجر قام يفّصل اصبع ايده

وواحد حرق قلبي يالعضيده ميت علي ويضربه بحديدة

علي راح احس قلبي وقف لمن علي طاح علي راح على ذبحه تناوبوا مية ألف سفاح

إذا لليلى أسلمه أخاف تموت يمه أخاف تموت يمه علي راح

يا زينب شفت منظر هز كياني لباقي عمامته انطاها للثاني

و شفت واحد يرفسه بلا تواني وواحد يضحك و يشتمني اني

علي راح الزلم ي اختي يا زينب كلش وكاح علي راح الخصم يرقص صُبح من حس النياح

اعلى ليلى كبير همه أخاف تموت يمه أخاف تموت يمه علي راح

يا زينب علي بمصابه جرحني ابتسم في وجهي ومات وتركني

اعصرت عيني ياريت بحلق ابني ورحت اركض له بس حتفه سبقني

علي راح ذبحني من رفع حسه الي و صاح علي راح سبقني الموت إله وطفا لي مصباح

أملها امه يهدمه أخاف تموت يمه أخاف تموت يمه علي راح

أسألكم الفاتحة والدعاء لروح المرحوم

والدي ولارواح جميع المؤمنين والمؤمنات

الرادود: محمد بو جبارة
للشاعر: ابو تراب الأحسائي

تحميل mb3

-