عذبتني المصيبة
أداء الملا محمد بوجبارة
كلمات الشاعر سید رضا البوشوکه
~ مارحمنی زمـانی عگب اخوتی سبانی
والگمر ما اجـانی زینب آنـــه الغریبه
ـــــــــــــــــــــــــــــــــ
بالله وین ابیا شرع و ابیا عقیده
بت امیر الکون عالـــهزل وحیده
والکفلها عالنهر مگــطوعه ایـــده
والغریب حسین یمها انحز وریده
یاهی مثلی سبوها والخیمها احرگوها
یمها ذبحو اخوهـا عذبتنی المصیبه
ـــــــــــــــــــــــــــــــــــــ
ابجاه اخوتی امخدره وچنت الامیره
او چانو ایسمونی نـاموس الـــعشیره
چنت زینب هسه صار اسمی الاسیره
اشگد عله الناگه صحت وین ابوالغیره
یلی گطعو چفوفک گوه خلونی اعوفک
من تجینی واشوفک گــلبی یبـرد لهیبه
ــــــــــــــــــــــــــــــــــــــ
یا دلالی الچان بین اهـــلی وعــمامی
بین اخوتی ینسمع شوری وکلامـــی
اتذبحو وانه بگیت ابــــلا مــــحامی
والصحـــتله یتعذر وایگول ضـــامی
حشمت یالغیاره خدری متوجره ناره
نهضو سولی چاره شهل مصیبه الرهیبه
ـــــــــــــــــــــــــــــــــــــــــ
العدو نــاده وانـــه یهـــلی سمعـــته
عالشریعه کافــــلچ زینـــــب ذبحته
وینه وینه لو عدل خل یلحگ اخته
گتله کافی یا عــدو گـــلبی گـــطعته
طحت اشم الترایب حرمه بین الاجانب
وسفه عباسی غایب شسوه بیه مغــــیبه
ـــــــــــــــــــــــــــــــــــــ
حرت وین انطی الوجه من الشماته
وعالرمح راس السبط یبچی الخواته
صعبه فوگ النوگ لیلی شلون ابـــاته
والیسر ذبـــــهن عــــلی کــل نایــباته
کلها دارت علیه گمت اشاگف بــدیه
والهظیمه سبیه کافلی امنین اجیبه
ـــــــــــــــــــــــــــــــــــ
شاهدت شامت یــدلی الناس بـــیه
ایصیح های ام الخدر وامها الزچیه
های اخوها المـــنذبح بالغاضــــریه
والمصیبه اتستـــرت بثـــنین ایدیه
اجه واحد هظمنی انتی زینب نشدنی
وین اخوتچ سئلنی وگلبی انشد نحیبه
https://t.me/kooolshiwaklasheeiraq
تعليقات
إرسال تعليق