القصيده 📜 حسيناه
الشاعر ✍️محمد رسول الحميري
الرادود 🎙خضر عباس
حسينا حسينا حسينا
يشريان الگلب يشريان الگلب
꧁꧂꧁꧂꧁꧂
هلي الغربه بجفاكم مرمروني
هلي مكابل ورائكم كابلوني
هلي بلون الدلال الصفره لوني
هلي وما عندي واحد واشتكيله
هلي وهسه عشت وضع العليله
هلي ولا بيدي حيله ولا وسيله
اشكد عثرنه وشحه جانت لااسم الله ولا افه
اسعى بين الناگه والتل جني بالمروى وصفا
اويلاه اويلاه اويلاه
مره بين الغرب مره بين الغرب
حسينا حسينا حسينا
꧁꧂꧁꧂꧁꧂
وكت خلاني أهيمن بالصحاري
وكت ما عندي كافل بنتظاري
وكت خله الستر عالغبره عاري
سمعنه ابطيحة حيود المدينه
ذكرنه ايامنه الحلوه وبچينه
قرينه المقتل وگمنه اندعينه
اي يبعد اختك بقينه مطشرات بكربله
يضحك الما يعرف الله ويدري بيه امدلله
عسى هنا عسى هنا عسى هنا
جوادر تنصب جوادر تنصب
حسينا حسينا حسينا
꧁꧂꧁꧂꧁꧂
اذا شفت الخجل قافل مضيفه
اذا شفت النذل صاير خليفه
اذا تنداس الصدور الشريفه
اذا ام الشرف صارت اسيره
واذا فوك العزل صعدت اميره
اذن ما سلمت بدور العشيره
من يجيني الليل اشاكف عن بناتي بمستحه
وانطحن من الشتايم يالگمر طحن الرحه
صحت لا صحت لا صحت لا
مره وعيب انضرب مره وعيب انضرب
حسينا حسينا حسينا
꧁꧂꧁꧂꧁꧂
يزينب صاحوا المالج عشيره
يزينب هاي الايام الاخيره
يزينب لمي اخيج بالحصيره
يزينب غطي الاجساد السليبه
يزينب نهبوا حسينج نهيبه
يزينب وانتي من هساا غريبه
هي هاي الدنيه زينب جنه الما يستحي
شيخت هند وسميه وحاربت بنت الوحي
گبل ما.. گبل ما....... گبل ما
دمع عينج يصب دمع عينج يصب
حسينا حسينا حسينا
꧁꧂꧁꧂꧁꧂
الكاتبه
🌺إيمان الكربلائيه 🌺
نسالكم الدعاء #امانه غير مبري الذمه حذف اسم الكاتبه
تعليقات
إرسال تعليق