الـقصـيدة : أمير وغريب
اداء : محمد باقر الخاقاني
كلـمات : احمد اللامي
✮✮✮✮✮✮✮✮✮✮✮✮
أمير وغريب حسين السما
أمام وتريب ابن فاطمة
عذابي وهواي .... جرح گلبه ماي
نهر للحياة ..... يكتله الضمه
طايح على الغبره شبه طيحة ضوه
جارح على جروحه لون هب الهوى
واضح علي واضح غربة نينوى
حبيته والحب من جرح حيره
مو دمع كون ابجي علي غيره
مخنوگه روحي ودمعي يحجيني
ع المستجار المحد يجيره
وين الگه وين ..... حب رغبني بجروحي
بس الحسين .... خلاني احب روحي
يطلبني دين .... ما اگطع علي نوحي
مولاي حسين .... بأبي انتَ وأمي
✮✮✮✮✮✮✮✮✮✮✮✮
جرحني سؤال يسئلة الگلب
عليمن دموع المشه بدربه حب
شرجع جواب ... جبير المصاب
وجه للحسين ... يلوحه الترب
نايم على خدوده ولا گطرة ندى
هاشم گضت هاشم ياهو يوسده
هايم ضعن هايم اله من العده
ياگلبي ذني بمجلس احجيهم
وخلي اليحب حسين يوعيهن
طاح وبناته احترگن بخيمه
وهو صريع يعاين اعليهن
حب لو عذاب .... عايش وانحجه بيه
عاشگ مصاب .... يمشي بروحي حنيه
سد گلبي باب ... عاقد للطم نيـه
مولاي حسين .... بأبي انتَ وأمي
✮✮✮✮✮✮✮✮✮✮✮✮
احب السواد واحب خدمته
واعيش برجاء وسع رحمته
واحج للعزاء ..... اقدس البكاء
اطش دمعي ماي ...... على خيمته
طيني انا طيني انخلق من رحمته
ديني اصل ديني لگيته بخيمته
عيني دمع عيني رخيص لغربته
بحسين اعيش وموتي بحسيني
بايعني ذنبي وهو شاريني
بين الزلم سواني اله خادم
انطاني بعد شيريد ينطيني
حبل الوصال ... دمعتي لمن ابجيها
بس ياحبال ..... رقية سافرت بيها
ايد الدلال ... تتوضه بمأسيها
مولاي حسين....بأبي انتَ وامي ..
✮✮✮✮✮✮✮✮✮✮✮✮
اذكرى وانوح وامد يمه ايد
يوجه الله نام اعله. وجه الصعيد
مليك النفوس .... صريع الشموس
تشوفه الخيام ... قريب وبعيد
صاحت علي صاحت وحسين استحه
لاحت اله لاحت صوره جارحه
راحت غصب راحت المن رايحه
هذا انا عشكي وهاي تربيتي
گلبي وحياتي وروحي تعزيتي
ضعن الفواطم ينسبي گباله
ياروحي غير دموعي شنطيتي
الطم وانوح .... گلبي يبجي مذبوحه
رب الجروح ... محد حاسب جروحه
زينب تروح ... وجرحه الاعظم الروحه
مولاي حسين .... بأبي انتَ وامي ....
✮✮✮✮✮✮✮✮✮✮✮✮
@MuhammadBaqerAlKhaqani
تعليقات
إرسال تعليق