ثاري الهجر ذباح
عايفني بيش ارتاح
كل ما انام الگاك
تحاجيني فوق ارماح
وترتل القران
وجسمك على التربان
مو گدرك على الگاع
وبلا هدم عريان
بنص جيش.... چا ليش
محد يرحمك يبلسم
مذبوح والروح
طافت جرح عل مخيم
انعاك والگاك
تبچي على خدری التيتم
بچيت الغربتك
لگيتك يمحتار
وانا ابچي وسألتك
ييمه شنو الصار
اشرتلي المخيم واباوع علت نار
يا غريب يا حسين💔
گتلك ييمه شلون
بالخيمة تبچي ام عون
والنار لمعت ذيچ
واطفالك ينوحون
گتلي الجرح جرحين
من تطلع اخت حسين
وخايف على اختي هواي
وبس الها تربي العين
عطشان ... تعبان
وعيوني تربي بحزنها
بالنار ... تحتار
اختي بخدرها وضعنها
على التل تسأل
عن مصرعه الهد بدنها
يمه جرحي وغربتي
بجيها عليه
على الرمح
وانا اباوع عليها شبديه
من بعيد وشفتها تگاود رقيه
ياغريب يا حسين💔
على الرمح تبجي جروح
وجواك طفلة تنوح
تحاچيك بوية شلون
شما امد ادي متلوح
نزلي منك راي
جيتك وجبت الماي
عطشان بويه ادريك
والرمح عالي هواي
يمه هظمه هايه طفلتي رقية
بلا حيل ... بالليل
شدلاها يايمة بيه
مجروح مذبوح
واتحمل شچم اذيه
بويه صاحت اخذني
وبچيت لبچيها
اني ابچي ودموعي تگاطر عليها
وانهظم لمن اسمع يبابا حچيها
يا غريب يا حسين💔
چا وين اخوتك وين؟
شو وحدك يحسين
گتلي الظهر مكسور
من اصواب ذيچ العين
عباس اخوي وطاح
و الاكبر ابنی راح
ولدچ گضو عالماي
وظليت اكض اصفاح
الكل طاح ....الكل راح
وانا بقيت بغربتي
لا جون ... لا عون
وبأنصاري كبرت حسرتي
ظليت وابجيت
بس انا وتباوع اختي
انا واختي بقينه بجينه وعفتها
وهي جابت مهرتي
وبچتلي بصمته
وبالحرگ صاحت اسمی
وعلى التل شفتها
رحم الله من قرأ سورة الفاتحة
لروح المرحوم والدي وارواح
المؤمنين والمؤمنات
تعليقات
إرسال تعليق