مو بعيدين محمد الخياط مكتوبة
ليش الاحباب عنه يرحون
الزرعوا الطيب مايظلون
يا اهل الگبور یاللی غافين
مو بعيدين عن العيون
يا اهل الگبور الگلب دوم بذكركم
انتو يمنه ومو بعيدين احنه عنكم
الشريط الاسود نشوفه بصوركم
فارگیتونه وبقت بس ذكرى منكم
من نجي نزور هم تسمعون
نبچی ونصیح ماتگعدون
صعب الفراگ لکن شلون
یااهل الگبور ماترجعون
چنه من نگعد سوه یفرح گلبنه
بیت واحد چنه مجموعین کلنه
خالی صار البیت بجفاکم یااهلنه
مثل سبحه امطشره محد یلمنه
بکثر الدموع صرنه نشتاگ
والله یاناس مر الفراگ
من الصدور کل نفس ضاگ
حته بالطیف ماتمرون
کل بشر لو مات تطلعله گرایب
همه یتولون دفنه وهاذه واجب
احچیلی عالظلت غريبه بالخرايب
زينب العافت اهلها اعله الترايب
بيوم عاشور شيب الراس
حايره تصيح بين الارجاس
وين الحسين وين عباس
خل يشوفون سود المتون
گبورکم یا احبابنه ظلت اثرها
بالدمع نبنيها من يگصر عمرها
بینه یااصحاب الوفه حسره شکبرها
فاطمه المظلومه ما نندل گبرها
علی الکرار وین اخفاه
حگها العیون تبچی والله
دایم انصیح آه یازهراء
بيوم الفراگ مظلم الكون
كلمات الشاعر
امجد الشطري
اهدي ثواب كتابة هذه القصيدة الى روح والدي
رحمه الله وأسألكم الفاتحة والدعاء له ولجميع
المؤمنين والمؤمنات
تعليقات
إرسال تعليق