📜 قصيدة :- بويه علي .✍ كلمات :- الشاعر مصطفى العيساوي .
🎤 أداء :- الرادود محمد الجنامي .
🌹🍀🍀🌹🍀🍀🌹
الابو لو فارك الدار •• الابن حس روحه خطار
مشه وراح من اديه •• الگبل خيمه عليه
بويه بويه بويه علي بويه
🌹🍀🍀🌹🍀🍀🌹
دفنتك بويه و ابيا حال رديت
يدفنونه ابگبر واحد تمنيت
يضحكة بيتنه وياشمعه البيت
كون الموت ياخذ عمري ياريت
يكون للگبل باب •• تسير يمه الأحباب
فگدته ابهالمسه •• الگبل خيمه عليه
بويه بويه بويه علي بويه
🌹🍀🍀🌹🍀🍀🌹
رجعت البيتنه و احضن بالهدوم
و اشم ابريحتك يا بويه كل يوم
عين ابنك بعد ما شافت النوم
اشلون ينام ليله الگلبه ملجوم
علي الما لمتك گاع •• شگلك يوم الوداع
خذت مني المنيه •• الگبل خيمه عليه
بويه بويه بويه علي بويه
🌹🍀🍀🌹🍀🍀🌹
كلتها بحسرتي و ابدمعي اليسيل
وداع الي نحبهم يأخذ الحيل
اذكرك بويه من ابچلچل الليل
صعب جرح الابن لو والده ايشيل
ربيت ابحضنك اسنين •• يبويه آنه الحسين
مشه و اشلون بيه •• الگبل خيمه عليه
بويه بويه بويه علي بويه
🌹🍀🍀🌹🍀🍀🌹
گالوا عيد گالت العيد شيريد
تره الما عنده ابو ما يفرح ابعيد
صحت يا عيد غرب عني بعيد
بعد عيدك امبارك بويه شتفيد
دفنه الفرح وياه •• ابونه الما نسيناه
ذكرته المغربيه •• الگبل خيمه عليه
بويه بويه بويه علي بويه
🌹🍀🍀🌹🍀🍀🌹
ولدك من رحت منها الفرح ضاع
يا جرح السمه الما ضمتك گاع
السفينه اتحسها ميته بدون الشراع
اشريلك عمر لو ادري ينباع
صحت شيرجع الراح •• ذكرتك و الدمع صاح
بعد شيرجعه اليه •• الگبل خيمه عليه
بويه بويه بويه علي بويه
🔺 رابط الإنضمام للقناة : @Alwaili2 🔺
تعليقات
إرسال تعليق