قصيدة زاير علي
الرادود : حيدر البياتي
الشاعر : مصطفى العيساوي
زايـر علي إسمي صار
ماتوصل لجسمي النار
علـي الــي ولــي
كــاتبها بالدم مستهل
ميت عدل صحت
حي على خير العمل
أسمك بخت شفته
زايــر عــلـي انــت
أكبر شرف لكاع النجف زاير
مثل العطش للماي
فضل الزيارة هواي
شأنـه اعتله اليكصد اله زاير
دك باب حيدر بالشدد
تلكاه الك عون و سند
بالدنيا مـا تحتاج احد ، اذا صحت علي
أسئل الناس الزارته
كــل الامـــان بگبته
تأمن عيون الشافته
أسمه أمان الي
أهل السمه بگبره تشوف
مـو بس بشر يمه تطوف
بشـر ملك سـوه ، ينطي علي كلمن سأل
ميت عدل صحت ، حي على خير العمل
دار الكـــرم داره
زواره خــطــاره
أسمه نعرف شيخ العرب حيدر
كلمن يجي يهمه
كول نكضت يمه
گبـل الهـلــه يحلهـا الــه حيدر
اكصدله وأندب يا علي
يا بعد روحي وكل هلي
انت اقـرب من امي الي
تحن علي ردت
يا رحمة الله اعله الارض
حـبك علـي اجمـل فرض
شيخ الارض طول بعرض
غيرك فلا شفت
نــص انـذكــر بالـقــران
الما عنده حيدر خسران
كلمن نكر علي
لا صومه لا حجه انقبل
ميت عدل صحت
حي على خير العمل
جـنـة علي جـنـة
مـا ينـشبع مـنــه
اول بشر فوك البشر وصفه
المــا دنــك ابـابـه
ما نحسب احسابه
تاج الزلم باب العلم وصفه
والمـا يبــايع حيدره
خسران دنيا و اخره
هـذا الشـعــار نكرره
عهد لأبو الحسن
ما صحت سولفت بهمس
و ردتلك بسرعة الشمس
يا علي الوادم ما تحس
علي سر الزمن
مــن عـهد ادم لليــوم
ما شفت مثلك مظلوم
واقع تـرة شفت
لذيج الولايه انت اهل
ميت عدل صحت
حي على خير العمل
كـــــاع النـجــف دره
حضرة بوسط حضرة
البيها سكن كلبه اطمئن بيها
صــارت گبــل ادم
تسـبيحــة للعـالـم
بذاك الزمن نوح اندفن بيها
لمن تجي لكــاع الغري
تلــكـه الـولاء الحـيدي
حارسها فارس هاشمي
ابا الحسن علي
طـير السمـه الهــا هــتــف
كاع الشرف و اهل الشرف
اجــمـل اسـم اسـم النجف
وطن تضل الي
شبر بأرض هاي الكاع
بـالذهــب لا مـا تنباع
شنو الذهب كـلت
مـا بيعها لـ آخر أجل
ميت عدل صحت
حي على خير العمل
انـت بـ علي عـالي
غالي و أجى الغالي
بدربه انكتب يسوه التعب عدنه
آخر عهد منه
ما نفترك عنه
هـو النبض حـبـه فـرض عدنــه
واعدنه و نضل عالوعد
مـا نخلــف الحيدر عهد
مـاكو لـ علي كفـواً احد ، ولا يجي اخو
حتى النبي يشهد اله
نقـطـة علي بالبسملة
حيدرنـه راعي الاوله ، كفو منه كفو
أرجع وأكـل للزوار
انتم اهل مو خطار
كلت الف هله ، حتى اربط اجمل مستهل
ميت عـدل صحت ، حي على خير العمل
أسألكم الفاتحة والدعاء لروح
المرحوم والدي والى ارواح
المؤمنين والمؤمنات
تعليقات
إرسال تعليق