شهادة الإمام الصادق (عليه السلام) ١٤٣٩ هـ
حسينية الحمزة بن عبدالمطلب (ع)
دولة الكويت
الشاعر | أمجد الشطري
خايف وروحي بجوارك مطمئنة
محمد بو جبارة مكتوبة
خايف وروحي بجوارك مطمئنة
الجنه لو مابيها نورك ماهي جنه
وين ما القاك اجيك رحمة الله بين ايديك
خايف وروحي بجوارك مطمئنة
ياامامي مالي غيرك
من ينزلوني بحفرتي شلون بيه
حفرة ظلمة ومن يجيني
والتراب يحيطني ويضغط عليه
ابقه حاير والتفت يسره ويمين
وحدي اصبح بالقبر وين اهلي وين
راح احلفك بالقمر وام البنين
احضر لقبري يابو قلب الحنين
من يجيني منكر ودفتري بيده
سيدي بذاك المحل نورك اريده
تمسكت مولاي بيك رحمة الله بين ايديك
خايف وروحي بجوارك مطمئنه
.............. ...... .... .........
يارجائي بيومي الاول
من يجوني الملكان والتقيهم
يسالوني وانا اسمع
شراح اقول وصفحة اعمالي بديهم
اهنانه راح اتذكرك واصرخ تعال
انطي يالصادق جواب لهالسؤال
منهو جان بمجلسك دم دمعه سال
مايمسني الضيم بوجودك محال
ياهواي وساكن بروحي لقيتك
بالمجالس جيت احضرك مانسيتك
البس اسود واعتنيك رحمة الله بين ايديك
خايف وروحي بجوارك مطمئنه
........... ...................
من بعدها الملائك
لعالم البرزخ يجون وينقلوني
بالمنيه منهو ليه
عالزغيره وعالجبيره يحاسبوني
من يصيحون اسمي مدري شراح اشوف
وآنه واقف بالسره بين الصفوف
ياحبيبي والقلب مابيه خوف
ادري بيك انته لكل خادم عطوف
آنه محتاجك تعال وانطي ايدك
آنه خادم يعني واحد من عبيدك
بدمع عيني مشتريك رحمة الله بين ايديك
خايف وروحي بجوارك مطمئنه
.................. . . .......... . .
روحي صعدت بيد ربي
وآنه روحي بيك يالصادق أملهـا
بالقيامه عيوني تحجـي
والاعمال الزينه يتبين فعلهـا
خادمك بيدين ربك ذنبه صــار
سهلـه عندك لمن تقرر قـــرار
كلشي بالدنيا الي جـان اختبــار
وانتمائي لمذهبك عندي افتخار
رابح وماعتقد بالحشر نادم
لاني لاهل البيت عشت سنيني خادم
جانب الحوض التقيك رحمة الله بين ايديك
خايف وروحي بجوارك مطمئنه
............ . ..................
من اشوفك يمي واقف
بروحي وبقلبي احس ينزل حنانك
تلزم ايدي بالقيامــه
بين كل الناس تاخذني لجنانك
مااريد الجنه بس يمك اريد
انت اقرب مني من حبل الوريد
جنتي وبيها انت جاعلني سعيد
غير حبك كلشي اقسم مايفيد
نيتي البيضه وانا محافظ عليهـا
للوفا للخير ماتركت سعيهـــــا
علمتني واندعيك رحمة الله بين ايديك
خايف وروحي بجوارك مطمئنة
.............. ................
يانجاتي امنياتي
حققت حلمي وضمنت الجنه ليه
وبوسامك كرمتني
واعزلتني بيمتك عن البقيه
ودخلتني سيدي دار النعيم
شفت فاطم والقلب شوقه يهيم
صرت اشتم الحسن ويه النسيم
هو هذا الفخر والفوز العظيم
بالنهايه اتشكرك يالدللتني
يم ابو الاكبر وزينب وصلتني
كل مسيه ابجي عليك رحمة الله بين ايديك
خايف وروحي بجوارك مطمئنه
الشاعر : امجد الشطري
تعليقات
إرسال تعليق