يالمهدي فضه اعليك عقدت املها
الله اعله يوم الباب شاهد جعلها
من عصروا الزهراء شافتها طاحت
سمعتها فضه بحين يامهدي صاحت
تسأل علي الكرار مذهوله راحت
عن اسمك ومعناك رادت يقلها
من عرف حامي الجار ياغايه عدها
عالمهدي تسأل ليش واضح قصدها
قاللها راعي الثار آخر ولــــدهـــــــا
وبجيته دنيا الناس تزهي بعدلهـــا
يكشف ظلام الليل يافضه نوره
قبر امه يعلم بيه ويقصد يزوره
ادعي الله وتحضرين ساعة ظهوره
واحجيله امه شلون طرحت حملها
خلينيه آنه وياك حسب الروايه
بالك تشك باخبار اهل الدرايه
اسمع المهدي شراد من البداية
وشحجت فضه وياه لمن سألها
يافضه لاتخفين كلشي عليه
واحجيلي عن مصاب امي الزجيه
من ضربة المسمار حتى المنيه
ياالم اكبر جان سبب اجلهـــــا
يسال وفضه منين تبدي وتكلـــه
عنه اليجاوب جان دمع التهلــــه
بالصبر قلبه شلون حيدر تحله
غير الوصي الكرار من يفزعلها
عن قصة امك عاد اسمع وضعهـا
عن خبر باب الدار ياجف دفعهـا
بين الشتمها وبين صوب ضلعهـا
بين اليريد بنار يحرق نزلهـــــا
جانت بلايه حجـــاب حارت بامرهــا
من اجت خلف الباب رادت سترهـا
عالحايط الملعون لمن عصــرها
طاحت وطاح الجان محسن طفلهـا
الجف السطرها وعين امك طفاهـا
هاذه الهضمها وجان من دم بجاهـا
بهالحاله بعد ايام ماتت وراهـــا
منتظره يوم الثار من الكتلهــا
ثار امك اخذه وثار زينب ياغايب
ورثت من الزهراء كل المصايب
عمات الك ياحيف ظلن غرايب
قصة مصاب حسين ماصح مثلهـا
تعليقات
إرسال تعليق