وين اليسوه ماي العين
فاركني وحركـ روحي
آنه الدافن النيشان
بين كليبي وجروحي
هذا اليسوه هذا الزين فاركني وحركـ روحي
لا يامنتصر ليوين اضل بس آنه وجروحي
محرومين من الشوكـ
من الضحكه والبسمه
المضحي بغلاته اليوم
كلش رخصو دمه
بلابل تارسه البيبان كلهه تسولف بنوحي
آنه الدافن النيشان....بين كليبي وجروحي
هذا اليسوه هذا الزين فاركني وحركـ روحي
لا يامنتصر ليوين اضل بس آنه وجروحي
...............................................................
افز كبل الورد مرتين
عنك تنشد عيوني
اغفى وتركض الدمعات
وبحلمك يكعدوني
بويه الحكلي جيب اسعاف بفراكك يلجموني
حمامة ناصريه الكاك تحط جنحك عله متوني
مابين الحلم والعين احركـ روحي ليليه
كدامي جرح ممدود
وآنه وكلبي مابيه
مدفونين كبل الموت بس طبع الوكت دوني
افز كبل الورد مرتين عنك تنشد عيوني
هذا اليسوه هذا الزين فاركني وحركـ روحي
لا يامنتصر ليوين اضل بس آنه وجروحي
........................................................
حمامة الناصرية
اداء المنشد العراقي محمد الحلفي
كلمات الشاعر فاضل حسن
محمد الحلفي - حمامة الناصرية - لشهداء التحرير - وشهداء الناصرية
تعليقات
إرسال تعليق