قريتك دم عله الغبره طاح غريب بلا ذنب
بجيتك هم عطش گلبه صاح على گطرة عذب
دريت الفي صنيعة اديك ...!
عجب مامر يغالي عليك
ضمه وشمس الظهر يذبيح
التقن فوگ الجروح الي بيك
حرامات....تموت انتَ ويضل الماي
ورا الطف يجري يامولاي....حرامات
الرمح واكف عدل واطيح
دماك وياخيامي تصيح......حرامات
لشوغة جرحك كون فلا يبره الونين
فليبك الباكون على مثل الحسين
....................................................
لكيتك سر ضمه الطف حجاه. ظهر عاشر جرح
يـ اول در طف الدم ضواه واخذ لونه السمح
لحسن وجهك وسادة رمال
يزيدك حر تزيده جمال
دهر حيرته يحجي عليك جرح لا مايوصفه خيال
حرامات ...بصحاري الطف ثلث تيام
سهم يهده وتفز اسهام...حرامات
جسد بس جرحك الحي بي
نذبح من اوله لتالي...حرامات
ابجي المامدفون عهد كل السنين
فليبك الباكون على مثل الحسين
.....................................................
دليلك شب جمر من دريت بنه خيامك جمر
وضعنكم هب من هويت صريع من المهر
اشد الشفته وانتَ طريح..؟
شفت زينب وحيده تصيح..!💔
اخي ياضيعتي والحنين
يگومك خطوه ليها وتطيح 💔
حرامات .... على التل تصعد المايوم
طلع ضلها وعداها تحوم
حرامات.....انكشف طول بعمر خمسين
گبل ماشافه بس حسين...حرامات
لزينب درت عيون بگلب ضامي وحزين
فليبك الباكون على مثل الحسين
.....................................................
بجروحك من طحت كلشي مات عليك الا الحزن
يحضنك سن رمح بس تبات رقية بلا حضن
الرمح من بين اديها خذاك
گطع عن الصغيره هواك 💔
جرحك نحرك بجتله خيام
انذبح ضعن اعله كبرى وراك
حرامات....عفت لمت بنات صغار
خرايبهن حضنهن صار....حرمات
شمل يطشر بساعات
واحد مسبي واحد مات ...حرامات
من يمك يمشون بلا حامي ومعين
فليبك الباكون على مثل الحسين
.....................................................
الملا: محمد باقر الخاقاني
اسم القصيده: فليبك الباكون
الشاعر :عباس الشبلاوي
تعليقات
إرسال تعليق