اداء : محمد باقر الخاقاني
غربية … واخو ماعندي اجيبه
نحنى ظهري برحيلة
ــــــــــــــــــــــــــــــــــــــ
اميرة انه ومن چف گمر للسبي تالي
عشيرة ولا ضل منها اثر يحمي دلالي
يويلي وماكو غيري انه … على وجه الدنيا عقيلة
ضعني يدلي بيه خولة … امس چان ابو فاضل دليلة
✮✮✮✮✮✮✮✮✮✮✮✮
بعد ثمن طعش محامي محامي اسيرة وعلى ناگه هزيلة
وحيدة وما فزعلي جار ومنين ابو فاضل اجيبة
اركض وبخيامي نار هاي لوحدها مصيبة
واخت المذبوح اسمي صار ومرة يسموني غريبة
✮✮✮✮✮✮✮✮✮✮✮✮
بكربلا من طاح العلم چتفوا ادينا
يخوية ومن باب الخيم للسبي جينه
طلعنا بنص نهار امية وكربلا يا وادم هيمة
سبية تشد حبل سبية وخيمة اطيح بصف خيمة
ومشي الليل اخذ عليه واجت ايامه واجة ضيمة
✮✮✮✮✮✮✮✮✮✮✮✮
واخوي الگلي انه جاي حط ايدي ابن الوصي بيده
اصيح وما سمع نداي وما رد وايتامه تريده
مشيت ولا طلع وراي واحد والكوفة بعيده
✮✮✮✮✮✮✮✮✮✮✮✮
غربية ومن عمري شفت وابقى غريبة
مصيبه شما گمت التفت الگه مصيبه
يهون بكربلا الجرالي لاچن ماخوذه سبيه
غريبة وما عندي والي مهضومه وحبلي بديه
✮✮✮✮✮✮✮✮✮✮✮✮
ابحي الها وتبچي الليالي على ظهر الناگه رقية
رقية وكل خدرها شال جانت بالخيمه اميرة
ما تتحمل الحبال ياويلي وايديها زغيرة
واسمها يلوگ اله الدلال تالي يسموها اسيرة
كلـمات : احمد الهلباوي
اسألكم الدعاء والفاتحة لروح والدي رحمه الله
تعليقات
إرسال تعليق