القصيدة: مَجَانِيْنَهْ الرادود: مُحَمَّد الجنَّامِيْ الشاعر: كرار حسين الكربلائي ~~~~~~~~~~~~~~~~~~~~~~ مَجَانِيْنَهْ مَجَانِيْنَهْ يلايم بالله خلينه ~~~~~~~~~~~~~~~~~~~~~~ عشگنه مو عشگ عابر عشگ ما صاير وداير على السحگوه بالحافر گلبنه معاشر ونينه رُفعنه بكل شِبر رايه لطم ودموع وقرايه لأبو السجاد مشايه طريق الحُب يودينه ~~~~~~~~~~~~~~~~~~~~~~ خَدم عد باب أبو اليمه چبيرة عدنه هالنعمه البشر سُلطان بالخدمه أبو اليمه يعلينه عزيز الزهره منعوفه وحگ عبّاس و چفوفه كتبنه بالدمِه حروفه يعيش بكل نبض بينه العشگ ربالهم عِله تمنوا عنّه نِتخَله أبد هيهات للذله نِموت اگبال والينه ~~~~~~~~~~~~~~~~~~~~~~ يَسِر حيرنه تَفسيره نِحبه ما نحب غيره نِعيش بنعمته وخيره فضل خيره يغطينه عله بإسمه مراتبنه فتحناله مواكبنه قليل لمنحره حبنه ابد ما يوم وفينه عُطشنه و هو روانه عِرنه و هو غطانه نجرحنه و هو داوانه و إذا تِهنه يدلينه ~~~~~~~~~~~~~~~~~~~~~~ رفعه راسه رُمح عالي و رفع روس للتالي چبير احسينه الغالي العبد يتباهة بحسينه تِظل دمعتنه سچابه على حسين و على مصابه نضيع و نِلتم ابابه...
احسنت ملا
ردحذف