لا يموت - الملا محمد بوجبارة | ليلة ٥ محرم ١٤٣٩هـ
لا يموت ..لا تاخذ النحبهم لا يموت من توصل الحربهم
لايموت وانا على دربهم انتظرهم...........انتظرهم
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
يموت وكون اخبارك بعيده عني وعن هلي وهذا الاريده
ثلاثه اخوه الي وانه وحيده أنه ياموت بت مسلم حميده
بعيون البرائة آنه اشوفك تطوف بأهلي وبحزني اطوفك
يم احبابي لاتمتد جفوفك أنه ياموت تج رحني حروفك
والجروح ويه النفس تاذيني والجروح يلجمها صوت ونيني
والجروح بخوف وضمه تخليني انتظرهم .........انتظرهم
ــــــــــــــــــــــــــــــــــــــــــــــــــــــــــ
اجتماع ابين ابوي وعمي لحسين يموت وبيه صار نياح وونين
اجتماع وعين صدتلي بعد عين تصد نوبه لرقيه عيون الاثنين
ركضت وصحت شنهو المر عليكم يعزنا العالي كل الامل بيكم
اشوفن بالدمع صاير حجيكم وعلي انظر تأشرون بأيديكم
شنهو صار والنظر صار اعليه شنهو صار يانايبه ورزيه
شنهو صار وآنه على الاذيه انتظرهم.........انتظرهم
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
يموت وردت بس ردهم عليه وردت اعرف شنو اليصير بيه
عمي حسين حط ايده بديه وابويه حضن بت عمي رقيه
يموت وعمي لحسين شعلامه ابوي وبعده ماراح بسلامه
مسح راسي مل روس اليتامه واحسن مختنق عمي بكلامه
لايروح وادي بهاي السفره لايروح مابيه حيل انتظره
لايروح بهاي الدروب الخطره انتظرهم.........انتظرهم
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
يموت آنه اعرفت وتوضح الحال انكشف ليه المصاب وشفت الاهوال
من فوق القصر يرميه جتال وعقب جتله يجرونه بالحبال
على ذاك القصر تهمل دموعه من قبل الرمي وكسرت ضلوعه
سلامه اعله الحسين بأشد لوعه وسلام الله اعله ام الغيره طوعه
والمصاب بالدرب من يلفيني والمصاب يبقى اعله طول سنيني
والمصاب يم كربلا يوديني انتظرهم.........انتظرهم
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
قايل لا تنوحي مكتوبة
بلا عمامة مكتوبة
لا ياموت لاتاخذ النحبهم مكتوبه
احب صوتك ماانم الئ عليك
ردحذفربي يوفقك 💔
ردحذف